Les mots surlignés font l'objet d'une note
1Reçue à Grenoble, le 06 mars 1573.
2Monseigneur, ie vous escrips moings souvent pour
3ne vous estre ennuieux parce que ie scay que
4monsieur le president Bellièvre vous tient adverti
5de toutes noz nouvelles. Presentement, iay veu
6lettre de bonne part qui dict que à la barbe des
7nostres, sont entré dans La Rochelle six naufz
8angloises chargées dhommes, darmes et de vivres
9et se dict que se sont Anglois foruscilz et François
10qui sestoient retirés audit Angleterre. Toutesfois,
11la roine dudit païs dict que le tout ce faict à
12son desceu. On construit ung fort contre La
13Rochelle, voilà tout. Jay monstré celle qui vous
14a pleu m’escrire à monsieur l’advocat Dubois
15qui se tient grandement favorisé d’entrer à vostre
16service et de ma dame de Gordes, comme aussi
17nous faisons tous de l’avoir accepté à nostre recommandation.
18Je m’asseure, monseigneur, quil s’y portera umensément
19et à vostre contantement. Nous attendons que la
20commodité se presente pour parler de vostre affaire d’avec
21le sieur de Chattes, enquoy monsieur le president de
22Chastillon est en fort bonne volunté vous faire
23paroistre par effect comme il desire vous faire
24service. Et atant, vous presentant ms plus humbles
25recommandations et à ma dame de Gordes, ie prie Dieu vous donner,
26monseigneur, en sancté, heureuse vie. De Lyon,
27le IIIe mars.
28Le voyage que devait faire
29m. le conte de Retz devers le
30comte palatin est rompu et
31est retourné au camp de La Rochelle.
32Vostre très humble et très oubeissant serviteur M. de Langes